27 Kasım 2016 Pazar

Abdurrahman Sâmi Niyazî Sarhunanî

Ma'nâ-yı besmele ebrûyuna mâ-şâ'allâh
Zâta mir'ât-ı kemâl rûyuna mâ-şâ'allâh

Nûn, kalem çeşm-i femindir sadef-i dürr-i hikem
Şâz-ı hilkat ile ferîd hûyuna mâ-şâ'allâh

Nüh felek cezbe-i aşkınla esîr-i devrân
Zînet-i 'arş-ı alâ mûyuna mâ-şâ'allâh

Zerre-i nûrun ile oldu mü'esses cennât
Neşr-i reyhân-ı cihân bûyune mâ-şâ'allâh

Sâye-bân oldu nebîler ezelî nûrun ile
Nisbet-i hârik-i dil-cûyuna mâ-şâ'allâh

Zâtın âyîne-i Hak'tır sıfatın vasf-ı Hudâ
Vahy olan mantık-ı hak-gûyuna mâ-şâ'allâh

Şeh-i levlâk olduğuna şakk-ı kamer imzâdır
«Mâ rameyte» mazharı bâzûyuna mâ-şâ'allâh

İftirâkın ile siyeh-câme büründü Ka'be
Tozları huld-i berîn kûyine mâ-şâ'allâh

Sûret ü ma'nâ-yı, Hakk mazharı zâtın aynı
Künh-i hüviyyette dâl hûyuna mâ-şâ'allâh

Hıl'at-i imkân ile zıll-i kemâlin görünen
Cümleye merhamet arzûyuna mâ-şâ'allâh

Harem-i hazret-i muhtasta mukîmsin dâim
Lâmekân 'âric-i her sûyuna mâ-şâ'allâh

Eylesin Sâmî'yi hayrân şerer-i 'aşkın ezeli
Kevser-i nûr-i lutf cûyuna mâ-şâ'allâh

Hiç yorum yok:

Yorum Gönderme